Only for grown ups...

Sham hui to ghar se nikle
Main, babuji aur chunmun
Saer sapata aur masti karne
Sun.ne sham ki meethi dhun

Pahele boli chidiya rani
Main chali hun apne ghar
Daana lekar, cheen cheen karke
Aur faila k apne par

Fir mila humein kala kauwa
Bola hun main bada sayana
Kaayein kaayein cheekhta raha
meetha soch ke apna gaana

andhera jab Ghana ho gaya
ullu uth ke khada ho gaya
jugnu bhi jhaadi k peeche
kabhi jala kabhi fuse ho gaya

hai achaa sehat ke liye
roz sham ko masti karna
raat jo laye aisi adbhut cheezein
raat se bhala fir kyun darna